శ్రీ అర్ధనారీశ్వర స్తోత్రం

- శ్రీమచ్ఛంకరాచార్యః విరచితము

చామ్పేయ గౌరార్ధ శరీరకాయై, కర్పూర గౌరార్ధ శరీరకాయ
ధమ్మిల్లకాయై చ జటాధరాయ, నమశ్శివాయై చ నమశ్శివాయ

కస్తూరికా కుంకుమచర్చితాయై, చితరజఃపుఞ్జ విచర్చితాయ
కృతస్మరాయై వికృతస్మరాయ, నమశ్శివాయై చ నమశ్శివాయ

ఝణత్క్వణత్కంకణ నూపురాయై, పాదాబ్జరాత్ఫణి నూపురాయ
హేమాఞ్గదాయై భుజఞ్గదాయ, నమశ్శివాయై చ నమశ్శివాయ

విశాల నీలోత్పలలోచనాయై, వికాసపంకేరుహలోచనాయ
నమేక్షణాయై విషమేక్షణాయ, నమశ్శివాయై చ నమశ్శివాయ

మన్దారమాలా కలితాలకాయై, కపాలమాలాఞ్కిత కన్దరాయ
దివ్యామ్బరాయై చ దిగమ్బరాయ, నమశ్శివాయై చ నమశ్శివాయ

అమ్బోధర శ్యామలకున్తలాయై, తటిత్ర్పభాతా మ్రజటాధరాయ
నిరీశ్వరాయై నిఖిలేశ్వరాయ, నమశ్శివాయై చ నమశ్శివాయ

ప్రపంచ సృష్ట్యున్ముఖలాస్యకాయై, సమస్తసంహారక తాండవాయ
జగజ్జనన్యై జగదేకపిత్రే, నమశ్శివాయై చ నమశ్శివాయ

ప్రదీప్త రత్నోజ్జ్వలలకుండలాయై, స్ఫురన్మహా పన్నగభూషణాయ
శివాన్వితాయై చ శివాన్వితాయ, నమశ్శివాయై చ నమశ్శివాయ

ఏతత్పఠేదష్టకమిష్టదంయో, భక్త్యా స మాన్యో భువిదీర్ఘ జీవీ
ప్రాప్నోతి సౌభాగ్యమనన్తకాలం, భూయాత్సదాచాస్య సమస్తసిద్ధిః